Fluksi i udhëtarëve pas festave të fundvitit, Autoriteti Portual Durrës: Nga nesër rinisin lundrimet e dyfishta të trageteve drejt Italisë

Pas festave të fundvitit, emigrantët shqiptarë kanë nisur të kthehen në vendet ku punojnë dhe jetojnë. Kjo ka sjellë rritje të fluksit, së fundmi edhe në Portin e Durrësit. Nëpërmjet një njoftimi Autoriteti Portual i Durrësit njofton se duke nisur nga nesër (4 janar) do të rinisin lundrimet e dyfishta të trageteve (vajtje-ardhje brenda ditës).

Kjo është gjetur si metodë për të menaxhuar fluksin e lartë të emigrantëve që lundrojnë drejt Italisë dhe pritet që të zgjasë deri në datën 7 janar.

“Pas festave të fundvitit, rikthehet edhe fluksi i shtuar i pasagjerëve të cilët lundrojnë nëpërmjet Portit të Durrësit. Prej datës 4 janar do të rinisin lundrimet e dyfishta ( vajtje-ardhje brenda ditës), të trageteve të linjave detare të cilat operojnë me portet e Italisë fqinjë, kjo në funksion të menaxhimit të volumeve në rritje të udhëtarëve të cilët tashmë janë të përqëndruar në dalje të vendit.

LEXO EDHE:
Trafikoi heroinë drejt Italisë, arrestohet në Durrës 65-vjeçari me dy emra

Ndërkohë që aplikimi i masave shtesë, kryesisht në parametrat e sigurisë dhe të shërbimeve vijon të zbatohet me rigorozitet nga të gjitha instancat shtetërore dhe subjektet private të cilat operojnë në Terminalin e Trageteve, 22 sportele operacionale janë tashmë  dispozicion të përpunimit në kohë dhe pa vonesa të pasagjerëve dhe mjeteve”- thuhet në njoftimin e bërë nga APD.

B.V/KT/Shqiptarja.com

TAG:
• festat e fundvitit
• porti i durresit
• Durres